(وَلَوْلا دَفْعُ اللَّهِ النَّاسَ بَعْضَهُمْ بِبَعْضٍ لَفَسَدَتِ الْأَرْضُ وَلَكِنَّ اللَّهَ ذُو فَضْلٍ عَلَى العَالَمِينَ )

الله ذو فضل على العالمين بما شرعه للناس من فريضة دفع الفساد والإفساد والظلم والتكبر والطغيان…. ولولا ذلك لفسدت الأرض.
…………….

والله وعملوها الرجالة!!!
هانت… وقربت…

يا حكومة إمتى تفوقي؟
يا ريس نعمل إيه ثاني عشان تفهم. وإلا مش ناوي تفهم؟
يا صحفيين الحكومة: اللي ما يشوفش من الغربال يبقى أعمى؟
يا شباب أنت أجدع من كل الشيوخ.
يا أبطال… انتوا كشفتونا..
يا مسئولين كفاية تكبر واستعلاء… اسمعونا.
يا فساد… لملم أوراق وارحل ما لكش مكان بيننا.
يا غضب… نور لنا الطريق… متحرقناش.
يا أمل… كنت عارف إنك موجود ما متش.
يا مجلس الشعب… أنت مجلس شعب مين؟!!
يا رئيس الوزراء…. مين قال إنك قدرنا الوحيد؟!!
يا شارع… انت اللي هاتلمنا لو سدوا كل الأبواب..
يا جيش… منتظرينك معانا
يا حلم… ناقص لك خطوة وتتحقق.
يا أمن … يا عسكرى يا غلبان قوللي بجد بتقبض كام.
يا توريث… اوعى تفكر تيجي النواحي دي.
يا دولة … إحنا شبابك ليه ناسيانا؟
يا إخوان… خلوها وطنية للآخر.
يا إعلام … خليك مع الحق.
يا تغيير… ابتدينا نشوفك ونتعرف عليك.
يا مصر… هانت… والله هانت.

أنا عارف إني مش من حقي أفرح زي اللي شارك…
لكني فخور بعودة الروح…
وبمصر الجديدة اللي اتولدت إمبارح…

فخور بشباب مصر اللي بيغير بإيده التاريخ والجغرافيا والسياسة.

ما حدث بالأمس كان بروفة لليوم الكبير

الذي تنتظره الملايين.

Advertisements