اللي بيتكلم عن كاريزما البرادعي

وإنه ما عندوش كارزيما… عايز كاريزما زي بتاع مين؟

 القذافي مثلا؟ وإلا عادل إمام؟!! وإلا محمود سعد…؟!!

وهو حسني مبارك لما مسك الحكم كان عنده كاريزما؟!!

وهو فيه أي حاكم خليجي عندي كاريزما زي اللي في بالكم…

أبداً … لكن عندهم ما هو أهم من الكاريزما.

والشعوب لا تأكل ولا تشرب ولا تتنفس كاريزيما…

والكاريزما لصاحبها… ومش هاتفيدني ولا تفيدك بحاجة…

يعني لن أكون أنا أفضل وبلدي أفضل… لأن رئيسي عنده كارزيما أفضل من رئيسك.

 يمكن البرادعي ما يعرفش يخطب زي محمد حسان ولا يحاور زي إبراهيم عيسى ولا يهتف زي أحمد فؤاد نجم ولا يكذب زي صفوت الشريف ولا يشتم زي البدري فرغلي ولا يتعايق زي عمرو موسى ولا يغني زي تامر حسني ولا يباصي زي أبو تريكة ولا يحب زي حسين فه.مي ولا ينافق زي أسامة سرايا ولا يتفلسف زي عبد المنعم سعيد ولا يجامل زي منى الشاذلي ولا يلاقي الكلام في بقه زي كمال أبو المجد ولا يكتب زي فهمي هويدي ولا يزعق زي عمرو أديب ولا يهزر زي خالد الجندي ولا ولا ولا….

 يمكن ما عندوش حاجة من دي خالص…

 بس عنده اللي أهم…

 عنده رؤية واضحة ووطنية صادقة وضمير حي وإصرار عجيب.

………

سأختار مرشحي للرئاسة حسب ثلاثة عوامل:

1- الخبرة السابقة والصفات الشخصية (30%)

2- الموقف من الثورة (30%)

3- البرنامج الرئاسي (40%).

…….

ولا زلت في انتظار المرشحين والبرامج.

Advertisements